पुढे सरू की जाऊ मागे काय करू...?
द्वीधा द्वीधा या हृदयाचे काय करू ?
इथेच झोपू की एखादे घर शोधू ?
वहीत आहे काही पत्ते काय करू ?
पुढच्या थांब्यावरती उतरुन जाशिल तू
तुझ्यासवे मी बोलुन खोटे काय करू ?
रद्दी सारी विकून आलो बाजारी
आता हे कवितांचे गठ्ठे काय करू ?
तुझी आठवण बिलगुन या ब्रम्हांडाला
तुझ्यासारखे दिसते सारे काय करू ?
सत्य दाटले पेनाच्या टोकावरती...
पुढ्यात आहे कागद कोरे काय करू ?
तिफन थांबवुन विचार करतो आहे मी
पेरू की खावू हे दाणे ? काय करू ?
No comments:
Post a Comment