तू कुठेतरी असशील ?
आहेस ना ?
आता हा लांबलचक रस्ता
अपरिहार्य म्हणून नकोय मला एकाकी...
आता मला गजबज हवी त्यावर
तुझ्या असण्याची...
तुझ्या नसण्याचीदेखील...
तू येऊन परत जा हवं तर
पण तू आहेस कुठेतरी
याची खात्री पटू दे एकदा
तू आहेस की नाहीस
हेही ठाऊक नसताना
तू असाल्यागत जगतोय मी
मला आठवतय तुझ्यामाझ्यातलं सारं जे कधी घडलच नव्हतं...
मी खूप एकटा आहे...
असशील तिथून निघून ये ...
खरच
तू कुठेतरी असशील...आहेस ना ?
No comments:
Post a Comment