वादळाने, कधी असते, यायचे
हे का, आम्ही असते, ठरवायचे...?
सलगी करु, म्हणतो वादळाशी
ऐकता, ते नेमके, बहकायचे...
वादळाला, जाणताना, त्रास होतो
का तरी, काळीज, त्याचे व्हायचे...?
वादळाची, ओढ होती, अंतरीला
श्वास तेथे, खेचुनी, मज न्यायचे...
उब नाही, मिठीमध्ये, वादळाच्या
का तरी, काळीज, वेडे व्हायचे...?
पुरवितो, स्वप्न एका, वादळाचे
त्यास, घेवुन साथ, पायी जायचे...!
वादळाशी, जिंकणे, होते कधी का...?
स्वप्न आहे, वादळा, हरवायचे...!
कवी - महेश घाटपांडे
No comments:
Post a Comment