चंद्र लाजला नभात कैसा पळता पळता
कळेल तुजला भेद सखे हा कळता कळता...
नकोस विसरू जुन्या वाटचे लागे-बांधे...
नव्या पहाटे नव्या दिशेला वळता वळता
'अंत' नव्हे हा, 'मोक्ष' साजणा तुझा असे रे,
शमा म्हणाली परवान्याला जळता जळता...
पुन्हा भेटुया क्षितिजावरती दोघे आपण,
सूर्य बोलला असेच काही ढळता ढळता...
तिचा जरासा स्पर्श लाभला सांत्वनवेळी
अश्रूंची मग फुलेच झाली, गळता गळता....
No comments:
Post a Comment