पाखराला हीच चिंता मामुली...!
का नसे मैत्री नभाशी आपुली ?
जाळ येथे जास्त; तर तेथे कमी...
शेवटी साऱ्याच मातीच्या चुली !
नोकरी, पैसा, प्रतिष्ठा, मान्यता...
ठेव बाजूला जराशा या झुली !
भासही आता खरे होती कुठे ?
भास हे नाहीत; त्यांच्या चाहुली !
पाहिले जेव्हा मला त्याने सुखी....
दुःख गेले दूर...आल्यापाउली !
फार मी सांभाळतो; जपतो तिला -
वेदना अद्याप माझी तान्हुली !
वाकलेली जख्ख म्हातारी कुणी...
शोधते का बालपणची बाहुली ?
No comments:
Post a Comment