उरल्यात चार भिंती...
खचल्यात पार भिंती !!
.
परजून आठवांना....
करतात वार भिंती !!
आकांत ऐकुनीही...
बहि-याच ठार भिंती !!
गाठून एकटीला...
छळतात फ़ार भिंती !!
सोसून पावसाळे...
पडती न 'गार' भिंती !!
पाहून आसवांना...
द्रवती न ’यार’ भिंती !!
ओसाडश्या घराला....
ठरतात भार भिंती !!
Thursday, May 19, 2011
तुझ्या निबीड रानामधे
तुझ्या निबीड रानामधे
सळसळणार्या वार्यासोबत
हिवाळा , उन्हाळा , पावसाळ्याच्या
नित्य नवा ऋतू असतो
असे कसे घडते प्रिये
एकाच दिवशी पुन्हा पुन्हा...
एकाच दिवशी पुन्हा पुन्हा
तुझ्या गोर्या बासरीवारती
माझे फुंकर ओठ जुने
छीद्रं जुनी फुंकतात तेंव्हा
नवे नवेच सूर उमटतात
कुठून कुठून पाखरं येतात...
कुठून कुठून पाखरं येतात
वेळ काळ पहात नाहीत
पानं पानं पहात झाडावरली
हिरवी कंच होतात मग
प्रत्येक वेळी नवी बहर
कुठून येतात कोण जाणे...
तुझ्या निबीड रानामधे
एकाच दिवशी पुन्हा पुन्हा
कुठून कुठून पाखरं येतात
कुठून येतात कोण जाणे.
सळसळणार्या वार्यासोबत
हिवाळा , उन्हाळा , पावसाळ्याच्या
नित्य नवा ऋतू असतो
असे कसे घडते प्रिये
एकाच दिवशी पुन्हा पुन्हा...
एकाच दिवशी पुन्हा पुन्हा
तुझ्या गोर्या बासरीवारती
माझे फुंकर ओठ जुने
छीद्रं जुनी फुंकतात तेंव्हा
नवे नवेच सूर उमटतात
कुठून कुठून पाखरं येतात...
कुठून कुठून पाखरं येतात
वेळ काळ पहात नाहीत
पानं पानं पहात झाडावरली
हिरवी कंच होतात मग
प्रत्येक वेळी नवी बहर
कुठून येतात कोण जाणे...
तुझ्या निबीड रानामधे
एकाच दिवशी पुन्हा पुन्हा
कुठून कुठून पाखरं येतात
कुठून येतात कोण जाणे.
Monday, May 9, 2011
तू कुठेतरी असशील ?
आहेस ना ?
आता हा लांबलचक रस्ता
अपरिहार्य म्हणून नकोय मला एकाकी...
आता मला गजबज हवी त्यावर
तुझ्या असण्याची...
तुझ्या नसण्याचीदेखील...
तू येऊन परत जा हवं तर
पण तू आहेस कुठेतरी
याची खात्री पटू दे एकदा
तू आहेस की नाहीस
हेही ठाऊक नसताना
तू असाल्यागत जगतोय मी
मला आठवतय तुझ्यामाझ्यातलं सारं जे कधी घडलच नव्हतं...
मी खूप एकटा आहे...
असशील तिथून निघून ये ...
खरच
तू कुठेतरी असशील...आहेस ना ?
आहेस ना ?
आता हा लांबलचक रस्ता
अपरिहार्य म्हणून नकोय मला एकाकी...
आता मला गजबज हवी त्यावर
तुझ्या असण्याची...
तुझ्या नसण्याचीदेखील...
तू येऊन परत जा हवं तर
पण तू आहेस कुठेतरी
याची खात्री पटू दे एकदा
तू आहेस की नाहीस
हेही ठाऊक नसताना
तू असाल्यागत जगतोय मी
मला आठवतय तुझ्यामाझ्यातलं सारं जे कधी घडलच नव्हतं...
मी खूप एकटा आहे...
असशील तिथून निघून ये ...
खरच
तू कुठेतरी असशील...आहेस ना ?
Sunday, May 8, 2011
भेट ही घेऊ नको
भेट ही घेऊ नको ,आमंत्रणे देऊ नको
मी कघी येणार नाही वाट तू पाहू नको
एकटा माणूस आला .एकटा जाणारही
माहिती आहे तुला तू सोबती होऊ नको
शांत मी माझ्या घरी झोपेन त्यावेळी तरी
सांगते ऐकून घे ,स्वप्नातही येऊ नको
आपला मोठेपणा सांगावया लोकांपुढे
तेचते बाजार बसवे शब्द तू चिवडू नको
" धूत वस्त्रा सारखे कोणीच नाही या जगी "
या विचारांनी पुन्हा बाजी कुठे मारू नको
एकटी चालेल "शोभा " सोबती वाचूनही
तू तुझा संदेश किंवा सारथी धाडू नको
मी कघी येणार नाही वाट तू पाहू नको
एकटा माणूस आला .एकटा जाणारही
माहिती आहे तुला तू सोबती होऊ नको
शांत मी माझ्या घरी झोपेन त्यावेळी तरी
सांगते ऐकून घे ,स्वप्नातही येऊ नको
आपला मोठेपणा सांगावया लोकांपुढे
तेचते बाजार बसवे शब्द तू चिवडू नको
" धूत वस्त्रा सारखे कोणीच नाही या जगी "
या विचारांनी पुन्हा बाजी कुठे मारू नको
एकटी चालेल "शोभा " सोबती वाचूनही
तू तुझा संदेश किंवा सारथी धाडू नको
जराजरासा !!!!
तुझे नि माझे नकोच नाते, हवा दुरावा जराजरासा !
सलज्ज तारे नभी पहाया रवी झुरावा जराजरासा !!
लुभावयाला कितीक फ़ुलती गुलाब, जाई नि मोगरेही,
तुझ्या स्मृतींचा सुगंध ताजा, इथे उरावा जराजरासा !!
झपाटलेला पिसाट वारा कडी-कपा-यात बंद केला,
तुझ्या नि माझ्या उसासण्याचा उरो पुरावा जराजरासा !!
कधी नकोसे कधी हवेसे, छ्ळून जाती रदीफ़ मिसरे,
नजाकतीचाच शेर ओठी अता स्फ़ुरावा जराजरासा !!
कितीक आले लुटून गेले इथे लुटारु लुबाडणारे,
तुझा भरवसा, मुरे मुरंबा तसा मुरावा जराजरासा !!
घडी भराची नकोच संगत करार व्हावा युगांतरीचा,
तुझ्याच श्वासात श्वास माझा, अता विरावा जराजरासा !
सलज्ज तारे नभी पहाया रवी झुरावा जराजरासा !!
लुभावयाला कितीक फ़ुलती गुलाब, जाई नि मोगरेही,
तुझ्या स्मृतींचा सुगंध ताजा, इथे उरावा जराजरासा !!
झपाटलेला पिसाट वारा कडी-कपा-यात बंद केला,
तुझ्या नि माझ्या उसासण्याचा उरो पुरावा जराजरासा !!
कधी नकोसे कधी हवेसे, छ्ळून जाती रदीफ़ मिसरे,
नजाकतीचाच शेर ओठी अता स्फ़ुरावा जराजरासा !!
कितीक आले लुटून गेले इथे लुटारु लुबाडणारे,
तुझा भरवसा, मुरे मुरंबा तसा मुरावा जराजरासा !!
घडी भराची नकोच संगत करार व्हावा युगांतरीचा,
तुझ्याच श्वासात श्वास माझा, अता विरावा जराजरासा !
Saturday, May 7, 2011
तुझं घर ... तुझं अंगण...
तुझं हसणं...तुझं दिसणं...
तुझं मुल...तुझं करियर ...
तुझा स्वभाव... तुझा पती...
या साऱ्या जबाबदाऱ्या
तू अगदी सहज 'मॅनेज' करत असशील....
आणि तुझ्या जीवनातलं माझं अस्तित्व
ही 'तुझी' जबाबदारी होऊच शकत नाही...
पण फक्त एक सांग....
समज मी तुझ्या हातावरलं
किंवा पायावरलं ...
सहाव्वं बोट असतो
तर तू मला टाळू शकली असतीस ?
तुझं हसणं...तुझं दिसणं...
तुझं मुल...तुझं करियर ...
तुझा स्वभाव... तुझा पती...
या साऱ्या जबाबदाऱ्या
तू अगदी सहज 'मॅनेज' करत असशील....
आणि तुझ्या जीवनातलं माझं अस्तित्व
ही 'तुझी' जबाबदारी होऊच शकत नाही...
पण फक्त एक सांग....
समज मी तुझ्या हातावरलं
किंवा पायावरलं ...
सहाव्वं बोट असतो
तर तू मला टाळू शकली असतीस ?
Sunday, May 1, 2011
रिमझिमणारी
स्वप्नामधली माझी आहे रिमझिमणारी
वा-यावरती झुलता झुलता दरवळणारी
पा-यासम ती चंचल आहे मी अनुभवले
मुक्त नदी ती बारा महिने खळखळणारी
पांघरले मी श्वास तिचे अन त्याच क्षणाला
भरली माझी खोल जखमही भळभळणारी
शांत पहाटे गोड सुरावट ऐकू येई
कोकिळकंठी तीच असावी गुणगुणणारी
असण्याचा संकेत मिळे पण दृष्य नसे ती
मंद हवा ती पानांमधुनी सळसळणारी
माफक आहे आशा देवा आज हवी मज
माझ्यामधल्या प्रतिभेवरती मरमिटणारी
ओळख नसता आज गवसली "प्रविण"ला
गजलेसाठी हसरी बुजरी थरथरणारी
वा-यावरती झुलता झुलता दरवळणारी
पा-यासम ती चंचल आहे मी अनुभवले
मुक्त नदी ती बारा महिने खळखळणारी
पांघरले मी श्वास तिचे अन त्याच क्षणाला
भरली माझी खोल जखमही भळभळणारी
शांत पहाटे गोड सुरावट ऐकू येई
कोकिळकंठी तीच असावी गुणगुणणारी
असण्याचा संकेत मिळे पण दृष्य नसे ती
मंद हवा ती पानांमधुनी सळसळणारी
माफक आहे आशा देवा आज हवी मज
माझ्यामधल्या प्रतिभेवरती मरमिटणारी
ओळख नसता आज गवसली "प्रविण"ला
गजलेसाठी हसरी बुजरी थरथरणारी
Subscribe to:
Posts (Atom)