कोणत्या गावातुनी आली हवा
का अशी वेडीपिशी झाली हवा
गाल हे पडद्यामधे झाकून घे
उडवुनी नेईन ही लाली हवा
आग होती एवढीशी लागली
पण अचानक वाढली साली हवा
लाभले तुजला जसे तारुण्य हे
भोवती पिंगा तुझ्या घाली हवा
निर्मितो पाऊस गाणे लाघवी
लाविते अन रेशमी चाली हवा
एवढा विश्वास तू टाकू नको
का कुणाची राहते वाली हवा......
Wednesday, April 27, 2011
भळभळतांना जाणवले की..
भळभळतांना जाणवले की रुतले होते टोक किती
जगण्याच्या माथ्यावर पडली 'तू नसल्याची ' खोक किती..!
सुखा, तुझ्यापाठी पळतांना जाणवले नाहीच कधी,
अस्तित्वाच्या ताठ कण्याला सुटले माझ्या पोक किती !
परस्परांशी सौहार्दाचे प्रयोग रंगत गेले अन्
पडद्यामागे जाता जाता बदलत गेले लोक किती..
यंदाच्या जनगणनेमध्ये हे पण मोजून टाका की--
किती अडाणी लोक शहाणे? शिकलेले बिनडोक किती?
किती उपेक्षा केली त्याची, सदैव जे माझे होते..
कधीच माझे झाले नाही, त्याच्यासाठी शोक किती !
शिकून घ्या रे सगळे ओझे अपुले आपण पेलाया
खुशाल टाका मान, असे उरले खांदे निर्धोक किती??
जगण्याच्या माथ्यावर पडली 'तू नसल्याची ' खोक किती..!
सुखा, तुझ्यापाठी पळतांना जाणवले नाहीच कधी,
अस्तित्वाच्या ताठ कण्याला सुटले माझ्या पोक किती !
परस्परांशी सौहार्दाचे प्रयोग रंगत गेले अन्
पडद्यामागे जाता जाता बदलत गेले लोक किती..
यंदाच्या जनगणनेमध्ये हे पण मोजून टाका की--
किती अडाणी लोक शहाणे? शिकलेले बिनडोक किती?
किती उपेक्षा केली त्याची, सदैव जे माझे होते..
कधीच माझे झाले नाही, त्याच्यासाठी शोक किती !
शिकून घ्या रे सगळे ओझे अपुले आपण पेलाया
खुशाल टाका मान, असे उरले खांदे निर्धोक किती??
तुलाही, मलाही..
जुळा ध्यास आहे तुलाही, मलाही
तरी त्रास आहे तुलाही, मलाही..
कसे ओळखावे तुला मी, मला तू..
व्यथा खास आहे, तुलाही, मलाही
अताशा मिठीही अशी वाटते की,
गळा फास आहे तुलाही, मलाही..
जुन्या लालसेचा विझेना निखारा,
नवी आस आहे तुलाही, मलाही..
तशी एक आहे व्यथा सारखीशी,
म्हणायास आहे, तुला- ही, मला- ही
कशाला कुणी दोष द्यावा कुणाला
'इतीहास' आहे, तुलाही..मलाही...!!
तरी त्रास आहे तुलाही, मलाही..
कसे ओळखावे तुला मी, मला तू..
व्यथा खास आहे, तुलाही, मलाही
अताशा मिठीही अशी वाटते की,
गळा फास आहे तुलाही, मलाही..
जुन्या लालसेचा विझेना निखारा,
नवी आस आहे तुलाही, मलाही..
तशी एक आहे व्यथा सारखीशी,
म्हणायास आहे, तुला- ही, मला- ही
कशाला कुणी दोष द्यावा कुणाला
'इतीहास' आहे, तुलाही..मलाही...!!
भेटून जा
आसमानीच्या परी , भेटून जा
एकदा केव्हातरी भेटून जा...
मी समुद्रासारखा नाही जरी,
तू सरितेच्या परी भेटून जा
सावल्यांचे खूप झाले भास गे,
मन्मनाच्या अंतरी भेटून जा
मी तुला आव्हान आहे बांधले,
वादळा, माझ्या घरी भेटून जा..
दु:ख माझे माणकाच्या सारखे,
वेदनाही भर्जरी , भेटून जा
श्वास आता धाप टाकू लागले,
साजणे, आता तरी भेटून जा...
एकदा केव्हातरी भेटून जा...
मी समुद्रासारखा नाही जरी,
तू सरितेच्या परी भेटून जा
सावल्यांचे खूप झाले भास गे,
मन्मनाच्या अंतरी भेटून जा
मी तुला आव्हान आहे बांधले,
वादळा, माझ्या घरी भेटून जा..
दु:ख माझे माणकाच्या सारखे,
वेदनाही भर्जरी , भेटून जा
श्वास आता धाप टाकू लागले,
साजणे, आता तरी भेटून जा...
Monday, April 25, 2011
Saturday, April 23, 2011
शोध ज्याचा घेतला तो..('जुस्तजू...'अनुवाद)
जुस्तजू जिसकी थी उस को तो न पाया हमने
इस बहाने से मगर देख ली दुनिया हमने
शोध ज्याचा घेतला मी, भेटला नाहीच तो तर
या निमित्ताने, चला, ही बघितली दुनिया कलंदर
तुझको रुसवा न किया खुद भी पशेमाँ न हुये
इश्क़ की रस्म को इस तरह निभाया हमने
भेटलो नाही तुला मी, दूर आपणहून गेलो
रीत प्रीतीची तशी मी पाळली होती बरोबर
कब मिली थी, कहाँ बिछड़ी थी, हमें याद नहीं,.
ज़िन्दगी तुझको तो बस ख़्वाब में देखा हमने,
सोबतीने राहिलो नाही कधी दोघे पुरेसे....
पाहिले केवळ तुला स्वप्नात आयुष्या खरोखर
ऐ 'आद' और सुनाये भी तो क्या हाल अपना
उम्र का लम्बा सफ़र तय किया तनहा हमने ...
काय आता ऐकवावे? काय सांगावे कुणाला?
एकट्याने वाट माझी चाललो आहे निरंतर..
इस बहाने से मगर देख ली दुनिया हमने
शोध ज्याचा घेतला मी, भेटला नाहीच तो तर
या निमित्ताने, चला, ही बघितली दुनिया कलंदर
तुझको रुसवा न किया खुद भी पशेमाँ न हुये
इश्क़ की रस्म को इस तरह निभाया हमने
भेटलो नाही तुला मी, दूर आपणहून गेलो
रीत प्रीतीची तशी मी पाळली होती बरोबर
कब मिली थी, कहाँ बिछड़ी थी, हमें याद नहीं,.
ज़िन्दगी तुझको तो बस ख़्वाब में देखा हमने,
सोबतीने राहिलो नाही कधी दोघे पुरेसे....
पाहिले केवळ तुला स्वप्नात आयुष्या खरोखर
ऐ 'आद' और सुनाये भी तो क्या हाल अपना
उम्र का लम्बा सफ़र तय किया तनहा हमने ...
काय आता ऐकवावे? काय सांगावे कुणाला?
एकट्याने वाट माझी चाललो आहे निरंतर..
जुने, विसरून गेलेले...
कधी रडवून गेलेले, कधी हसवून गेलेले
पुन्हा का आठवावे ते, जुने विसरून गेलेले...
पुन्हा सारे तपासावे मला लागेल एकांती,
कधी जे वाटले होते मला समजून गेलेले
कसे चुकले जरा माझे, मला शिकवू नका कोणी,
पहा , चुकलेत ते सारे - मला शिकवून गेलेले
पुन्हा ती भेटली तेव्हा, जराशी वेगळी होती
इरादे वाटले आता, तिचे बदलून गेलेले..
दिलासा, सांत्वने, अश्रू, जिव्हाळा, प्रेम नी माया..
किती हे शब्द लेकाचे, मला फसवून गेलेले !
कुणी बिलगूनही नाही, मनाला वाटले प्यारे
कुणी लांबूनही होते, ठसा उठवून गेलेले...
कुणाचे श्वासही छातीत माझ्या मोजता यावे,
कुणी नाही , कुणी नाही , असे जवळून गेलेले
असावी वाट एखादी, दिशा छेदून जाणारी
दिसावे गाव एखादे, व्यथा हरवून गेलेले !
मला भेटायला आले, मला भेटून जातांना-
मला भेटायचे नाही , असे ठरवून गेलेले...
जरासे थांबले नाही, कुणी माझ्या चितेपाशी
जरा हेलावले नाही, मला उचलून गेलेले....
पुन्हा का आठवावे ते, जुने विसरून गेलेले...
पुन्हा सारे तपासावे मला लागेल एकांती,
कधी जे वाटले होते मला समजून गेलेले
कसे चुकले जरा माझे, मला शिकवू नका कोणी,
पहा , चुकलेत ते सारे - मला शिकवून गेलेले
पुन्हा ती भेटली तेव्हा, जराशी वेगळी होती
इरादे वाटले आता, तिचे बदलून गेलेले..
दिलासा, सांत्वने, अश्रू, जिव्हाळा, प्रेम नी माया..
किती हे शब्द लेकाचे, मला फसवून गेलेले !
कुणी बिलगूनही नाही, मनाला वाटले प्यारे
कुणी लांबूनही होते, ठसा उठवून गेलेले...
कुणाचे श्वासही छातीत माझ्या मोजता यावे,
कुणी नाही , कुणी नाही , असे जवळून गेलेले
असावी वाट एखादी, दिशा छेदून जाणारी
दिसावे गाव एखादे, व्यथा हरवून गेलेले !
मला भेटायला आले, मला भेटून जातांना-
मला भेटायचे नाही , असे ठरवून गेलेले...
जरासे थांबले नाही, कुणी माझ्या चितेपाशी
जरा हेलावले नाही, मला उचलून गेलेले....
Subscribe to:
Posts (Atom)